Саҥа дьыллааҕы оҕолорго аналлаах аралдьытыы сценарийа
“Гномик бырааһынньыктааҕы түбүгэ”
Оруолларга:
Улахан дьон — Ыытааччы, Гном, Хаар Киһи, Тымныы Оҕонньор, Хаарчаана
Оҕолор – гномиктар, хаар киһилэр, харыйачааннар, табачааннар
Туттуллар маллар: Гномик сүгэтэ, чөҥөчөк, музыкальнай инструменнар, харыйачааннар, фонариктар, бусинкалар, сиппиирдэр.
Музыканан бастаан кыргыттар киирэн саахымат бэрээдэгинэн тураллар, үҥкүүлүүллэр, онтон уолаттар киирэллэр – паараларын булан сиэттиһэллэр (үҥкүү хамсаныыларын оҥороллор).
Музыканан миэстэлэригэр баран олороллор.
1-кы Ыытааччы: Үтүө кэрэ күнүнэн, күндү оҕолор, төрөппүттэр! Сылы быһа кэтэспит күүтүүлээх Саҥа дьылбыт, күлүмүрдүүр харыйалаах, тиийэн кэллэ доҕоттоор!
- Монтаж – хоһооннор:
(Асель, Герман, М.Аделина, Добун, Виктория, Байар, Далан, Владик)
- Асель:
Тымныы, тымныы дьэ буолла
Саҥа дьылбыт дьэ кэллэ.
Елкабытын туруоран
Симэхтэрин ыйыахха.
- Герман:
Оччоҕуна елкабыт
Араас дьикти уотунан
Күлүмүрдүү умайыа,
Оҕолору ыҥырыа
- М.Аделина:
Тымныы, тымныы оҕонньор
Кэһиилэрин түҥэтиэ.
Оҕолорго биһиэхэ
Үөрүү-көтүү аҕалыа.
- Добун:
Сылын ахсын Саҥа дьыл
Үчүгэйиин кэлэрэ,
Харыйа уотун уматар
Хороводка ыҥырар.
- Виктория:
Харыйабыт аттыгар
Элбэх буолан эргийэн,
Сылайбакка, салгыбакка
Саҥа дьылы көрсөбүт.
Байар:
Кэрэчээн харыйа
Налыччы киэргэммит
Араас да уотунан
Күлүмнүү умайбыт!
- Кюндэли:
Чаҕылый, чаҕылый
Баай елка умайыый!
Оҕолор көрдөрүн
Эн үөрдэ сырдатыый!
- Далан:
Саргылаах Саҥа дьыл
Салаллан кэллэ дии
Киэргэллээх харыйа
Кэһиилээх эбит дии.
- Владик
Саҥа дьылга оҕолор,
Бука бары үөрэллэр.
Дьыссаакка кэлэннэр
Маскарад кэтэллэр.
- Ырыа: “Маҥан хаар”
Олоппос аттыгар туран миэстэлэриттэн ыллыыллар.
Наҕыл аптаах музыка тыаһынан Гномик аа-дьуо хааман киирэн харыйа аттыгар чөҥөчөккө олорор.
1-кы Ыытааччы:
Олорбута эбитэ үһү тыа саҕатыгар кыып-кырачаан дьиэҕэ, остуоруйа Гномига.
Гномик:
Саҥа дьыл чугаһаата,
Онтон мин харыйам суох (өрө тыынар)
Хантан харыйа булабын?
Саҥа дьылы харыйата суох хайдах көрсөбүн?
2-с Ыытааччы:
Гномик үтүлүгүн, бэргэһэтин кэтэн, сүгэтин кыбыммытынан хара тыаҕа – ойуурга харыйа көрдүү барбыт.
1 Ыытааччы:
Оҕолоор, саҥа дьылга биһиги ханнык маһы киэргэтэбитий? (харыйа).
Харыйа мас кыһын да сайын да күөх өҥүнэн турар.
Билигин харыйачааннар тахсан үҥкүүлээн көрдөрүөхтэрэ.
Үҥкүү – Елочкалар
(М.Ева, Айта, Милияна, М.Аделина, Б.Аделина, Люба, Надя, Асель)
Олоппоско баран олороллор.
Гномик киириэн иннинэ харыйалары туруоран бэлэмниибит.
Гномик музыканан хааман киирэр. Харыйалары көрөр. Харыйа аттыгар тохтуур.
Гномик:
Олус да кэрэ харыйалары буллум дии
Мантан бу саамай үчүгэйин кэрдэн дьиэбэр илдьэн туруорар эбиппин.
Гномик сүгэтинэн охсоору гынан эрдэҕинэ, Хаар киһи киирэн кэлэр.
Хаар киһи:
Тохтоо, тохтоо Гномик, харыйаны кэрдимэ, алдьатыма.
Айылҕаны харыстаа!
Гномик:
Онтон мин саҥа дьылы көрсөрбөр харыйам да суох, аттыбар чугас доҕотторум да суохтар (хомойор).
Хаар Киһи:
Хомойума Гномик. Миигин кытта барыс. Мин детсадка оҕолорго саҥа дьыллыы баран эрэбин. Кинилэр миигин ыҥырбыттара.
Гномик:
Үөрдэхпиин, барсабыын.
Оҕолору кытары саҥа дьылы көрсүөхпүт!
Чэ, барыахха!
Бэһиэлэй музыканан сиэттиһэн заалтан тахсаллар.
Оонньуу “Передай снежок”
Гномик уонна Хаар Киһи музыканан заалга киирэллэр.
Хаар Киһи:
Дорооболоруҥ оҕолоор.
Бу “Кораблик” детсад дуо? (оҕолор эппиэттэрэ)
“Ручеек” группа оҕолоро дуо? (оҕолор эппиэттииллэр)
Мин эһиги ыҥырыыгытын тутаммын, үөрэ-көтө бырааһынньыккытыгар доҕорбун Гномигы илдьэ кэллим.
Гномик:
Дорооболоруҥ оҕолоор!
Бары киэргэммиккит, бырааһынньыкка бэлэмнэммиккит (онтон эргийэр, харыйаны көрөр).
Тыый, улахан да харыйа турар, оонньуурдара элбэҕин, үчүгэйдэриин.
Хаар Киһи:
Оҕолоор харыйаҕыт тоҕо уота суоҕуй?
Чэ, эрэ билигин бары бииргэ биһигини кытары аптаах тылбытын этиэххэ!
Харыйа уотун уматыахха
Биир, икки, үс харыйа уота умаай! (үстэ хатылыыллар)
Фанфары. Бары үөрэллэр, таһыналлар.
Миэстэлэригэр туран ыллыыллар
Ырыа “Саҥа Дьыл”
Хаар Киһи:
Оҕолоор, саҥа дьылга хоһоон үөрэппиккит дуо?
Ааҕан иһитиннэриҥ эрэ.
Хоһооннор
(М.Ева, Каролина, Богдан, Лилия)
М.Ева:
Новый год стучится в дом!
Много снега за окном!
Будем весело встречать
И подарки получать!
Каролина:
Наша елка высока,
Наша елка велика,
Выше мамы, выше папы,
Достает до потолка.
Богдан:
Бусики нарядные,
Шарики блестят,
Елочка-красавица
Радует ребят.
Лилия:
К нам стучится
В двери
Добрый Дед Мороз,
Каждому подарки
Дедушка принес.
1кы Ыытааччы:
Гномик, детсадка эн доҕотторун кырачаан Гномиктар бааллар,
Кинилэр үҥкүүлэрин көрүөххэ.
Үҥкүү (фонариктаах) “Гномиктар”.
(Герман, Богдан, Марк, Д.Матвей)
2 с ыытааччы:
Күндү ыалдьыттар, биһиги оҕолорбут музыкальнай инструмеҥҥа оонньуу үөрэнэн эрэллэр.
Билигин кинилэр толорууларыгар оркестр истиэҕиҥ!
Оркестр –
(Ева М., Богдан, Герман, Каролина, Асель)
Хаар Киһи:
Гномик манна мин доҕотторум хаар киһилэр эмиэ бааллар.
Кинилэр билигин эмиэ үҥкүүлээн көрдөрүөхтэрэ.
Үҥкүү “Хаар Киһи” (сиппиирдээх)
(Байар, Владик, Добун, Артем, Рамиль, З.Матвей, Далан)
1-кы ыытааччы:
Оҕолоор, онтон биһиги саамай күүтүүлээх ыалдьыппыт ким буоларый? (Тымныы оҕонньор).
2-с ыытааччы:
Чэ, эрэ чуумпуран олоруоххайыҥ, истиэххэйиҥ (чуораан тыаһа иһиллэр).
1-кы Ыытааччы:
Тымныы Оҕонньор чугаһаабыт, табаларын чуораана иһиллэр.
Чэ, эрэ билигин табачааннар үҥкүүлэрин көрүөххэ, сэргээн таһыныахха.
Үҥкүү “Табачааннар”
(Виктория, Күндэли, София, Дайаана, Айна, Каролина, Сардаана)
Үҥкүү кэнниттэн ТО торуоскатын охсор тыаһа иһиллэр.
1-кы ыытааччы:
Чэ, эрэ билигин бары бииргэ Тымныы Оҕонньору ыҥырыаххайыҥ! (үстэ ыҥырабыт).
Аптаах музыканан Тымныы Оҕонньор торуоскатын охсон сиэнинээн Хаарчааналыын киирэн кэлэллэр. Харыйа иннигэр тохтууллар.
Тымныы Оҕонньор:
Дорооболоруҥ оҕолоор! Күндү ыалдьыттар!
Кэлэн иһэр саргылаах саҥа дьылынан барыгытын эҕэрдэлиибин!
Хаарчаана:
Үтүө күнүнэн оҕолоор, төрөппүттэр, ыалдьыттар.
Мин ТО сиэнэ Хаарчаана буолабын.
Эһээбин кытары эһиэхэ, аптаах киэһээни бэлэхтии кэллибит!
Тымныы Оҕонньор:
Чэ, эрэ оҕолоор биһигини кытары хороводка эргийиэҕиҥ, ыллаан-туойан биэриэҕиҥ!
Хоровод “Дед Мороз”
Хаарчаана:
Олус да үчүгэй ырыаны иһиттибит. Эһээ, оҕолору кытта оонньуохха.
Оонньуу “Заморожу” под музыку.
Тымныы Оҕонньор:
Оҕолор олус улааппыккыт
Ырыа, хоһоон бөҕө билэр буолбуккут!
Мин сиэммин кытары Хаарчааналыын эһиэхэ анаан бэлэх оҥорон аҕаллыбыт!
Билигин биир-биир ыҥыртаан бэлэхтэри туттарыахпыт!
Сиэним Хаарчаана, Гномик, Хаар Киһи миэхэ көмөлөһүөхтэрэ.
Музыканан подарок түҥэтиитэ.
Хаарчаана:
Барыгытын өссө төгүл кэлэн иһэр
Саргылаах Саҥа Дьылынан эҕэрдэлиибит!
Баҕа санааларгыт барҕара туола турдуннар!
Чэгиэн сылдьыҥ! Ситиһиилээх буолуҥ!
Тымныы Оҕонньор:
Саҥа Дьылынан, Саҥа Дьолунан!
Баргытыгар дьолу-соргуну!
Эһиил өссө улаатан, элбэҕи билэн көрсөөрүҥ!
Көрсүөххэ диэри!
Хаартыскаҕа түһүү.
